Sonito sòti la i sòti pou jwenn épi on bout a istwa a-y. Péyi Gwadloup la nouvo ba-y. Safè, i pa pyès konnèt otila pou mèt pyé a-y asèlfen jwenn épi bèl kaz kolonyal a-yo la. Rikaba sé on kouch-ta. Gay sa ka rivé-y ! I vin ka débwa épi Sonito, men sèlmanti, i pa jan konprann tousa biten té ka fèt an ti péyi a-y lasa. Ki pèwdisyon ésala ka jwé évè ki vi a-y, ki vi a moun lakonsa ? Ou té ké di Rikaba limenm té adan ondòt péyi ki potoko jan pran mèzi a ka a-y.